Зголемување на бројот на одобренија за градење, но вредноста на објектите паѓа

Бројот на издадени одобренија за градење во септември 2025 година бележи зголемување од 6,1% во однос на истиот месец лани, според најновите податоци на Државниот завод за статистика. Во септември се издадени 314 одобренија, но предвидената вредност на објектите е 7.124.419 илјади денари, што е за 5,2% помалку споредено со септември 2024 година.

Од вкупниот број одобренија:

220 (70,1%) се за објекти од високоградба;

38 (12,1%) се за објекти од нискоградба;

56 (17,8%) се за објекти за реконструкција.

Статистиката покажува дека физичките лица остануваат доминантни инвеститори – на 229 објекти (72,9%) инвеститори се физички лица, а на 85 објекти (27,1%) инвеститори се деловни субјекти.

Во извештајниот период е предвидена изградба на 727 станови со вкупна корисна површина од 69.411 м².

Најмногу одобренија се издадени во Полошкиот регион (98 одобренија), што го прави регионот најактивен во градежниот сектор за септември 2025 година.