Христијан Мицкоски доби трет мандат од делегатите на 18. партиски конгрес и ќе ја води ВМРО-ДПМНЕ во следните четири години. Според статутот на партијата, ова ќе биде негов последен мандат.
Како што информираше претседателот на Изборната комисија, Зоранчо Јованчев, од вкупно 817 присутни делегати, 804 гласале „за“ продолжување на мандатот на Мицкоски. Тој беше единствениот кандидат за функцијата претседател на партијата.
Конгресот, кој се одржа во Кавадарци под мотото „Визија што гради држава – За генерацијата што доаѓа 2030“, усвои два политички документа: Стратегијата 2025–2030 и Доктрината на партијата.
По објавувањето на резултатите, следуваше обраќање на реизбраниот претседател на ВМРО-ДПМНЕ, Христијан Мицкоски.
МОЖЕБИ ЌЕ ВЕ ИНТЕРЕСИРА:
