Британецот Дерек Ричи (63) мора да врати 28.640 евра кои 11 години ги примал поради административна грешка направена уште во 2014 година. Наместо навремено известување, службите дури во март годинава му испратиле писмо со извинување и барање целата сума да ја врати – одеднаш или на рати.
Ричи побарал дополнително објаснување, но не добил никаков одговор. Наместо тоа, по три месеци добил предупредување дека ќе биде тужен доколку не започне со отплата на „долгот“.
Тој вели дека ситуацијата го довела во сериозни финансиски тешкотии и дека ќе мора повторно да се вработи за да ја отплати сумата која никогаш не знаел дека неправилно ја примал.
Ричи не е единствениот – повеќе од 2.000 пензионери во Велика Британија се погодени од слични грешки. Властите сега се обидуваат да ги повратат милионските суми исплатени поради административни пропусти.
Шемата за исплата на пензии неодамна премина под управување на компанијата „Capita“, која најавува дека ќе го подобри системот за да не се повторуваат вакви случаи.
МОЖЕБИ ЌЕ ВЕ ИНТЕРЕСИРА:
