Деновиве главна тема во Македонија е дали ќе ни доселат мигранти. Прашањето дали се преговара Велика Британија да ни ги испрати илегалните мигранти кои самата ги прогласила за непожелни ја вжешти политичката сцена во земјава.
Премиерот Христијан Мицкоски јасно ги отфрла овие можности и тврди дека за таква тема нема ниту да се разговара. СДСМ пак е ептен загрижен и почнува онлајн петиција меѓу граѓаните за сопирење на доаѓање на илегални мигранти.
Едноставно, силни напори се вложуваат во хипотетишка заштита на Македонија, а некако слабо се гледа дека земјата има реална мака од друг тип на миграција. Нашата младина мигрира, во голем број ја напушта сопствената држава.
Тоа е тема на која треба да се троши енергија и од власта и од опозицијата. И едните и другите силно најавуваа демографски политики, до каде е таа работа? Време е за вистинско вложување на сите капацитети за да се спречи иселувањето и да се создава иднина за младите, тука, во Македонија.
МОЖЕБИ ЌЕ ВЕ ИНТЕРЕСИРА:
