На Меѓународниот аеродром Скопје денеска официјално ќе биде промовиран првиот лет на авиокомпанијата „Виз ер“ на релација Скопје – Прага, со што оваа компанија воведува уште една нова дестинација од македонската престолнина.
Новата авиолинија беше најавена уште во јули од вицепремиерот и министер за транспорт Александар Николоски, кој тогаш информираше дека е потпишан договор за воведување пет нови дестинации од скопскиот аеродром. Станува збор за линиите Стокхолм – Скопје и Мадрид – Скопје, кои започнаа во ноември, како и Бари – Скопје, Келн – Скопје и Прага – Скопје, кои се воведуваат од декември.
На денешниот промотивен настан, според најавите, ќе присуствуваат генералниот директор на „ТАВ Македонија“ Неџат Курт, амбасадорот на Чешка во земјава Јарослав Лудва, раководителот за комуникации во „Виз ер“ Андраш Радо, како и министерката за енергетика, рударство и минерални суровини Сања Божиновска.
МОЖЕБИ ЌЕ ВЕ ИНТЕРЕСИРА:
