Времето денеска ќе биде сончево со мала до умерена облачност, а во утринските часови на одделни места ќе има појава на магла. Ќе дува слаб до умерен ветер, претежно од северозападен правец. Минималните температури ќе се движат од -6 до 0 степени, додека максималните ќе достигнат од 9 до 13 степени Целзиусови.
Во Скопје, претпладне во делови од котлината ќе има магла, по што во текот на денот ќе преовладува сончево и претежно тивко време. Минималната температура ќе се спушти до -5 степени, а максималната ќе достигне околу 9 степени.
Според прогнозата на Управата за хидрометеоролошки работи, до крајот на неделата ќе продолжи стабилно време со многу сонце и слаб ветер. Во утринските и ноќните часови на одредени локации е можна појава на магла, а дневните температури ќе бидат над просекот за овој период од годината.
