Од ВМРО-ДПМНЕ побараа лидерот на СДСМ, Венко Филипче, јавно да одговори како се стекнал со т.н. златна виза во Дубаи и на чие име е регистриран станот кој, според партијата, бил споменат во јавно сведоштво поврзано со поранешниот премиер Зоран Заев.
Од ВМРО-ДПМНЕ наведуваат дека по сведоштвото оти Заев гради 42-катница во Дубаи, следела, како што оценуваат, индиректна потврда од страна на Филипче. Според нив, на новинарско прашање дали заедно со Заев гради висококатница во Дубаи, Филипче одговорил дека тој не гради, што, како што тврдат, значи дека објектот го гради Заев.
„Фактот што Филипче вели дека тој не гради, не може да се толкува поинаку освен како потврда на сведоштвото дека Заев инвестира во зграда од 42 ката во Дубаи“, соопштуваат од ВМРО-ДПМНЕ.
Од партијата додаваат дека ова, според нив, е доказ дека поранешниот премиер го проширил својот бизнис во градежништвото и инвестира во висококатници во Дубаи.
МОЖЕБИ ЌЕ ВЕ ИНТЕРЕСИРА:
