Поради сообраќајна незгода, сообраќајот кон граничниот премин Ќафасан е целосно во прекин во двата правци, информираат од АМСМ.
Дополнително, од вчера од 15:00 часот е воведен изменет режим на сообраќај на Коридор 10, на делницата Прилеп – Битола. Сообраќајот на оваа делница се одвива по регионалниот пат Р1101.
Сообраќајот на останатите државни патишта се одвива без поголеми застои, по наместа влажни коловози. Интензитетот на патиштата надвор од градските средини е умерен, а на граничните премини од македонска страна засега нема подолги задржувања за влез и излез од државата.
Од 15 ноември 2025 година на сила е законската обврска за задолжително поседување зимска опрема во возилата, без оглед на временските услови. Оваа мерка ќе важи до 15 март 2026 година.
Од АМСМ апелираат на прилагодена брзина, внимателно управување со возилата и почитување на сообраќајната сигнализација, особено на патиштата низ котлини, клисури и речни долини, каде постои ризик од одрони. Ова особено се однесува на делниците Катланово – Велес, Маврово – Дебар – Струга, Виница – Берово и Кочани – Делчево.
Патниот правец Охрид – Ресен преку националниот парк Галичица е затворен за сообраќај за сите видови возила во периодот од 21 ноември 2025 до 31 март 2026 година.
МОЖЕБИ ЌЕ ВЕ ИНТЕРЕСИРА:
