Семејството и пријателите упатуваат итен апел до јавноста за помош по исчезнувањето на младиот Стивен Ивановски во Швајцарија.
Според досегашните информации, Стивен последен пат бил виден за време на пожарот што избувнал на 31 декември во барот „La Constellation“, во познатиот зимски туристички центар Кран-Монтана.
Неговите блиски на социјалните мрежи информираат дека во кобната ноќ бил облечен во бели панталони и бел дуксер, како што се гледа и на објавените фотографии. Постои можност со себе да ги имал и препознатливите очила за сонце што ги носи на фотографиите.
Семејството апелира до сите кои можеби го виделе Стивен или располагаат со каква било информација за неговото движење, како и до оние кои имаат сознанија дали бил примен во болниците во Женева или Цирих, веднаш да се јават на следните телефонски броеви: 076 415 0868, 076 385 7165 и 078 229 5745.
„Братучед ми е исчезнат во пожар вчера во Швајцарија. Ако некој го има видено, нека нè контактира“, стои во апелот објавен од семејството.
Се апелира до јавноста информацијата да биде споделена со цел побрзо пронаоѓање на исчезнатиот млад човек.
МОЖЕБИ ЌЕ ВЕ ИНТЕРЕСИРА:
