Голманот на македонската ракометна репрезентација Мартин Томовски изјави дека селекцијата на Данска максимално ги казнила техничките грешки на Македонија, што резултираше со убедлив пораз од 24-36 на стартот на Европското првенство во ракомет.
„Иако Данска е најквалитетната репрезентација, ние излеговме со максимален ангажман. Почетните технички грешки нè чинеа многу, а ваков противник знае веднаш да ги искористи“, истакна Томовски.
Тој додаде дека натпреварот може да послужи како важна лекција пред дуелот со Португалија, кој следува в недела.
„Ова е добра поука за нас. Треба детално да анализираме, да ги исправиме грешките и да ја зацврстиме одбраната. Против Португалија мора да одиме на сè или ништо. И тие играат брзо, но имаат слабости кои ги анализиравме. Верувам дека ќе прикажеме подобра игра и ќе се бориме за позитивен резултат“, додаде македонскиот голман.
МОЖЕБИ ЌЕ ВЕ ИНТЕРЕСИРА:
