Градоначалникот на Битола, Тони Коњановски, за време на посета на осветлената патека за скијање на Копанки го пречека директорот на ЕСМ Молика, Горан Исков. Времето беше ведро и студено, со снег на теренот, но не доволно за скијање. Според Коњановски, во наредните денови се очекуваат нови врнежи од снег.
Градоначалникот го информираше Исков дека Општина Битола е пред реализација на долгоочекуваната пречистителна станица, која ќе ги собира и прочистува сите отпадни води, а ќе се изгради под хотелот во регионот.
„Има ревизија на основниот проект и продолжуваме во насока на негова изградба“, рече Коњановски.
Тој додаде дека патот кој води до Копанки веќе е изграден до Трново во претходниот мандат, а сега се продолжува на делницата Трново–Магарево и до влезот на Националниот парк „Пелистер“.
Исков изрази благодарност до локалната самоуправа за поддршката при издавањето на дозволите за изградба на планинарскиот дом „Копанки“ и за други проекти кои се значајни за развојот на туризмот во потпелистерието.
МОЖЕБИ ЌЕ ВЕ ИНТЕРЕСИРА:
