Комуналните работници интензивно работат на темелно чистење на коритото на Градската река кај минорот, од отпадоци донесени со последните врнежи, но и од отпад што, како што информираат надлежните, е несовесно исфрлан од граѓани и деловни субјекти во зелените површини и самото корито на реката.
Од општината апелираат до граѓаните и сопствениците на бизниси кои гравитираат околу Градската река, отпадот да се собира и да се предава на комуналните работници, наместо да се фрла во реката и јавните зелени површини.
Во текот на само три дена, комуналните служби собрале вкупно 98 црни вреќи со отпад, што, според надлежните, укажува на потребата од подигнување на јавната свест и културата на живеење.
„Секој отпад има свое место. Во општината на речиси секој чекор е поставена соодветна комунална инфраструктура за одлагање отпад, потребни се само одговорност и грижа за заедничкиот простор“, порачуваат од надлежните служби.
Од општината упатуваат апел за поголема грижа и љубов кон градот, со цел зачувување на животната средина и уредување на јавните простори.
МОЖЕБИ ЌЕ ВЕ ИНТЕРЕСИРА:
