Во своето обраќање во рамките на свечената програма за одбележување на Денот на народното востание 11 Октомври во Прилеп, претседателот Стево Пендаровски истакна дека денес е тешко да се даде одговор на големите историски дилеми кои биле актуелни пред многу години, но дека можеме да бидеме сигурни дека ако не бевме дел од антифашистичката коалиција, немаше да имаме своја држава.
–Годинава, кога одбележуваме 80 години од почетокот на Народното востание, прославуваме и 30 години од независноста. Темелите на оваа држава се илинденски и антифашистички и оној момент кога тоа би го заборавиле, тогаш самите би работеле на уривање на единственото место на светот кое можеме да го наречеме свој дом. Над 1.100 споменици на антифашистичката борба низ цела земја, се најсилен доказ против секој вид историски ревизионизам. Меѓу партизанските одреди ниту еден не бил именуван според Маркс и Енгелс или Сталин, наместо тоа тие ги носеле имињата на македонските револуционери Даме Груев и Пере Тошев, Сандански и Влахов, Питу Гули и Добри Даскалов истакна Пендаровски.
-Нашиот придонес во победата на глобалната антифашистичка коалиција не беше занемарлив. Имавме едно од највиталните партизански движење во Европа, кое за четири години даде околу 25.000 жртви и успеа да мобилизира близу 101 војска, потенцира Пендаровски, додавајќи дека мора да целиме кон праведно и слободно општество на еднакви за какво што сонуваа нашите славни херои во чија чест сме денес сите ние овде собрани.
МОЖЕБИ ЌЕ ВЕ ИНТЕРЕСИРА:
