Водечките светски економии, обединети во Групата седум, најавија дека се подготвени да преземат координирани мерки за зачувување на стабилноста на глобалниот енергетски пазар.
По виртуелниот состанок на министрите за финансии и гувернерите на централните банки, беше истакнато дека главната цел е да се спречат пошироки економски последици од актуелните нестабилности на пазарите.
Во заедничката изјава, земјите од Г7 упатија повик до останатите држави да се воздржат од воведување ограничувања за извоз на енергенси, оценувајќи дека таквите потези можат дополнително да ја продлабочат кризата.
Истовремено, централните банки остануваат фокусирани на одржување на ценовната стабилност, при што монетарните политики ќе продолжат да се креираат врз основа на актуелните економски показатели.
Од Г7 потенцираат дека ќе делуваат заеднички со меѓународните партнери со цел ублажување на негативните ефекти и зачувување на макроекономската стабилност на глобално ниво.
МОЖЕБИ ЌЕ ВЕ ИНТЕРЕСИРА:
