Германски турист добил повеќе од 900 евра обештетување по судска пресуда, откако неговото семејство за време на летување во Кос останало без лежалки покрај базенот поради нивно рано „резервирање“ од други гости.
Според пресудата на Окружен суд во Хановер, семејството во летото 2024 година престојувало 11 дена во хотелски комплекс со повеќе базени, релакс-зони и пристап до плажа, за што платиле 7.186 евра.
Туристот навел дека лежалките биле заземани уште од раните утрински часови, иако во хотелот имало јасно истакнати правила со кои се забранувало резервирање со пешкири.
И покрај поплаките до туристичкиот водич и хотелскиот персонал, семејството не добило решение за проблемот. Според неговото сведочење, тие секое утро станувале порано за да најдат слободни лежалки, но успеале само еднаш, при што децата морале да седат на пешкири на земја.
Судот оценил дека хотелот не ги обезбедил условите што биле ветени во туристичкиот аранжман, па на семејството му биле доделени дополнителни 986 евра отштета.
Во образложението е наведено дека хотелите не мора да имаат лежалка за секој гостин, но се должни да обезбедат разумен број во однос на капацитетот и бројот на посетители.
Судот посочил и дека децата, иако малолетни, имале право на соодветен простор за одмор, а не да престојуваат на земја покрај базенот.
МОЖЕБИ ЌЕ ВЕ ИНТЕРЕСИРА:
