Полициски службеници од Регионалниот центар за гранични работи Запад денеска спроведоа акциска контрола во ноќен клуб на булеварот „Железничка“ во Охрид, при што беа приведени седум странски државјанки поради нелегална работа.
Како што информира Министерството за внатрешни работи, при контролата и легитимирањето на персоналот било утврдено дека жените работеле како танчерки без соодветни работни дозволи и регулиран престој во државата.
Меѓу приведените има четири државјанки на Русија на возраст од 26, 28, 28 и 29 години, една 31-годишна државјанка на Бугарија, една 31-годишна државјанка на Казахстан и една 42-годишна државјанка на Србија.
Сите биле приведени во полициска станица, а надлежните институции работат на целосно документирање на случајот.
По завршување на постапката, против нив ќе бидат поднесени соодветни пријави согласно член 217 од Законот за странци, кој се однесува на нелегален престој и неовластена работа на странски државјани во земјава.
МОЖЕБИ ЌЕ ВЕ ИНТЕРЕСИРА:
