Во организација на Здружението за спорт и рекреација „Прв до врв“, утре во Скопје ќе се одржи 14-тото издание на традиционалната спортско-рекреативна манифестација „Прв до врв“.
Настанот ќе опфати велосипедска трка и планинарска тура кон Водно и Милениумскиот крст, а поради одржувањето ќе биде воведен и посебен режим на сообраќај во делови од главниот град.
Велосипедската трка ќе започне во 09:45 часот пред Музејот на град Скопје, а учесниците ќе се движат по улиците „Св. Кирил и Методиј“, булеварите „Св. Климент Охридски“ и „Мајка Тереза“, потоа по улицата „Тодор Александров“ и локалниот пат кон Средно Водно, сè до Милениумскиот крст.
Планинарската тура ќе стартува во 10:00 часот пред ООУ „Кочо Рацин“ на булеварот „Мајка Тереза“. Учесниците ќе продолжат по улицата „Тодор Александров“, а потоа преку планинската патека кај улицата „Салвадор Аљенде“ ќе се искачуваат кон Средно Водно и врвот кај Милениумскиот крст.
Од СВР Скопје информираат дека за време на настанот ќе има посебен сообраќаен режим, а возилата ќе бидат пренасочувани по околните улици.
Од Министерството за внатрешни работи апелираат граѓаните да ги почитуваат упатствата и наредбите на полициските службеници со цел безбедно и непречено одвивање на манифестацијата.
МОЖЕБИ ЌЕ ВЕ ИНТЕРЕСИРА:
