Фудбалска федерација на Македонија остро реагираше на однесувањето на ФК Вардар за време на прославата на шампионската титула, оценувајќи дека дел од содржините биле навредливи и недолични.
Од ФФМ соопштија дека федерацијата секогаш апелирала победите да се слават достоинствено, а поразите да се прифаќаат со спортски дух и почит.
Во реакцијата се наведува дека е неприфатливо на спортски прослави да се користат вулгарни и навредливи пораки, без разлика кон кого се насочени.
„Ривалитетот меѓу клубовите е добредојден само кога е исполнет со меѓусебна почит и достоинство, а говорот на омраза и навредите немаат место во фудбалот“, наведуваат од ФФМ.
Федерацијата потсети дека и во минатото санкционирала клубови поради слични ситуации, меѓу кои и ФК Тиквеш, ФК Осогово и самиот ФК Вардар.
Поради последните случувања, Дисциплинскиот инспектор при ФФМ најавил отворање постапка против клубот.
Од ФФМ порачаа дека остануваат посветени на промоција на фер-плејот и заштита на интегритетот на натпреварувањата.
МОЖЕБИ ЌЕ ВЕ ИНТЕРЕСИРА:
