Полицијата информира дека вчера на кејот на реката Вардар во Скопје се случила сообраќајна незгода во која се судриле два електрични тротинети – едниот управуван од 62-годишна жена, а другиот од 12-годишно дете.
Во незгодата, жената се здобила со тешки телесни повреди, додека детето било повредено и пренесено во Градската болница „Св. Наум Охридски“, каде му биле констатирани телесни повреди.
Од Министерството за внатрешни работи најавуваат можни порестриктивни мерки за користење на електрични тротинети, со цел зголемување на безбедноста во сообраќајот, но засега не се објавени конкретни детали.
Министерот изјави дека се разгледуваат повеќе опции, меѓу кои и ограничување на возраста за користење на тротинети, како и воведување построг регулаторен систем, без да се прецизира дали границата ќе биде 16 или 18 години.
Искуствата од други земји во регионот, како Грција, покажуваат дека веќе се работи на законски измени за ограничување на користењето на тротинети од страна на малолетници.
МОЖЕБИ ЌЕ ВЕ ИНТЕРЕСИРА:
