Светската здравствена организација (СЗО) предупредува дека епидемијата на ебола во Демократска Република Конго и Уганда се шири побрзо од очекуваното и дека моменталните напори за справување со кризата не се доволни.
Генералниот директор на СЗО, Тедрос Аданом Гебрејесус, изјави дека претпоставениот број на смртни случаи веќе достигнал околу 220 лица, нагласувајќи дека ситуацијата бара итна и засилена реакција од меѓународната заедница.
Тој посочи дека земјите кои граничат со ДР Конго мора веднаш да преземат превентивни мерки за да се спречи понатамошно ширење на вирусот.
Во меѓувреме, Уганда пријави уште два нови случаи, со што бројот на потврдени заразени се искачи на седум лица.
СЗО го прогласи жариштето на реткиот сој Бундибуџо за вонредна состојба од меѓународно значење, предупредувајќи дека ситуацијата е дополнително отежната поради безбедносната нестабилност во погодените региони и отсуството на одобрена вакцина за овој сој.
Гебрејесус најави посета на ДР Конго, со цел директно да се координира одговорот на кризата.
МОЖЕБИ ЌЕ ВЕ ИНТЕРЕСИРА:
