Унгарскиот премиер Петер Маѓар соопшти дека Европската Унија ќе деблокира до 10 милијарди евра средства наменети за Унгарија, откако Советот на ЕУ го одобри унгарскиот План за закрепнување и отпорност.
Според Маѓар, со оваа одлука е отстранета последната пречка за исплата на европските фондови, кои со години беа недостапни поради спорот меѓу Брисел и поранешната влада на Виктор Орбан.
Во својата изјава, Маѓар ја обвини партијата „Фидес“ дека се обидувала да го блокира процесот на ослободување на средствата.
„Милијарди евра од фондовите на Европската Унија конечно се на пат и ќе бидат вложени таму каде што се најпотребни – во транспортната инфраструктура, енергетската безбедност, здравството, управувањето со водните ресурси и поддршката на локалните компании. Да живее европска Унгарија!“, изјави Маѓар.
Средствата што ќе ѝ бидат ставени на располагање на Унгарија изнесуваат вкупно 10 милијарди евра, од кои 6,5 милијарди се грантови, а 3,9 милијарди евра се поволни кредити.
Европските средства беа замрзнати во изминатите години поради несогласувањата меѓу Европската Унија и владата на Виктор Орбан, поврзани со владеењето на правото, независноста на институциите и состојбата со демократијата во земјата.
МОЖЕБИ ЌЕ ВЕ ИНТЕРЕСИРА:
