Тренерот на Кристал Палас, Оливер Гласнер, изјави дека неговиот тим целосно заслужил да ја освои Конференциската лига и да стигне до првиот европски трофеј во историјата на клубот.
Англискиот состав во финалето одиграно во Лајпциг ја совлада шпанската екипа Рајо Ваљекано со минимални 1:0 и така испиша историски успех на европската сцена.
Гласнер по натпреварот истакна дека очекувал тежок дуел, но бил особено задоволен од играта на својот тим во второто полувреме.
„Тоа беше натпревар каков што очекувавме, но одигравме одлични минути на стартот од второто полувреме кога го постигнавме голот и можевме порано да го решиме победникот. На крајот се одбранивме одлично и ова беше фантастична вечер“, изјави Гласнер.
Тој додаде дека играчите, клубот и навивачите целосно го заслужиле овој успех и нагласи дека е пресреќен што Кристал Палас успеал да стигне до европскиот трофеј.
МОЖЕБИ ЌЕ ВЕ ИНТЕРЕСИРА:
