Првиот тенисер на светот, Италијанецот Јаник Синер, сензационално е елиминиран од Ролан Гарос, Гренд Слем турнирот што моментално се одржува во Париз.
Синер неочекувано загуби од аргентинскиот тенисер Хуан Мануел Серундоло со 3:6, 2:6, 7:5, 6:1, 6:1, во меч кој го шокираше тенискиот свет, имајќи предвид дека Италијанецот важеше за еден од главните фаворити за титулата.
Фаворитот имаше убедлива предност и водство од 5:1 во третиот сет, но потоа следуваше целосен пресврт. Синер физички попушти и имаше очигледни проблеми со грчеви во пределот на стомакот, што значително му го отежна движењето и играта.
Аргентинецот ја искористи ваквата ситуација и направи неверојатен пресврт, освојувајќи 18 од последните 20 гемови во мечот.
Со оваа елиминација, Синер стана првиот светски рекет број еден кој испаднал во првите две кола на Ролан Гарос уште од Андре Агаси во 2000 година.
МОЖЕБИ ЌЕ ВЕ ИНТЕРЕСИРА:
