Светското првенство целосно му го промени животот на 40-годишниот голман на Зеленортски Острови, Возиња, кој од фудбалер без клуб стана една од најбараните личности на трансфер пазарот.
Репрезентацијата на Зеленортски Острови дебитираше на Мундијалот и остави одличен впечаток. Во четирите одиграни натпревари не претрпе ниту еден пораз во регуларните 90 минути, освојувајќи ремија против Шпанија, Уругвај и Аргентина, а елиминацијата ја доживеа дури по продолженијата.
Еден од најзаслужните за историскиот настап беше токму искусниот голман Возиња, кој со своите интервенции привлече огромно внимание од светската јавност.
Тој на Светското првенство пристигна како слободен играч, откако му истече договорот со Чавез, клуб од втората португалска лига. Наместо пензионирање, одличните настапи повторно му ја отворија вратата за продолжување на кариерата.
Според информациите, најголем интерес за негов ангажман покажуваат бразилските второлигаши Атлетико Гоианенсе и Аваи, кои веќе му понудиле договор.
Освен на теренот, Возиња стана вистински феномен и на социјалните мрежи. Неговиот профил на Инстаграм експлодираше за време на Мундијалот, па бројот на следбеници порасна од околу 40.000 на повеќе од 25 милиони.
Покрај фудбалските квалитети, токму огромната популарност го прави исклучително атрактивен и од маркетиншки аспект. Сега останува самиот да одлучи каде ќе ја продолжи својата кариера.
МОЖЕБИ ЌЕ ВЕ ИНТЕРЕСИРА:
