Секое зголемување на цените на горивата директно ги зголемува транспортните трошоци, а тоа повторно се прелева во повисоки цени на храната, предупреди опозициската СДСМ.
„Мицкоски го најави денешното поскапување на горивата, ама не најави никакви мерки со кои ќе ги заштити граѓаните од новиот ценовен удар. Исто како што кажа дека има пазари и компании кои работат со „повисоки маржи“, но рече дека „имињата засега нема да ги открие“, се вели во соопштението од СДСМ.
Партијата смета дека „власта нема ниту план, ниту желба за заштита на економијата и животниот стандард на граѓаните“, а последиците од, како што велат „неспособната ВМРО“ граѓаните секој ден ги чувствуваат на
бензинските пумпи, во маркетите и во своите празни паричници.
