ВМРО-ДПМНЕ преку портпаролот Валентин Манасиевски, денеска уште еднаш обвини дека СДСМ и Левица го блокираат донесувањето на новиот Изборен законик.
Според Манасиевски, предлогот ги содржи препораките на ОБСЕ и ОДИХР, како и решенијата што биле усогласувани на повеќемесечни работни средби. Манасиевски рече дека СДСМ се противи на можноста дијаспората да гласа по електронски пат или по пошта. Тој оцени дека причината е стравот оти иселениците нема да ги поддржат политиките на СДСМ.
За Левица посочи дека, иако нејзините предлози за финансирање на изборните кампањи биле прифатени, сепак не го поддржува договорениот текст. Од ВМРО-ДПМНЕ сметаат дека блокадата може да го загрози исполнувањето на реформските обврски на државата и потсетуваат дека Европската Унија повикала на политички консензус за усвојување на Изборниот законик.
МОЖЕБИ ЌЕ ВЕ ИНТЕРЕСИРА:
