Македонскиот шампион Вардар попладнево од 17:00 часот ќе гостува кај финскиот првак КуПС во реваншот од првото квалификациско коло во Лигата на шампионите.
„Црвено-црните“ се пред тешка задача, откако на првиот натпревар во Скопје беа поразени со 2:0 и во Финска ќе мора да надоместат два гола негатива доколку сакаат да останат во игра за пласман во следната рунда.
Тренерот Кристијан Фабијани порача дека очекува неговите фудбалери да одиграат организирано, дисциплинирано и борбено, нагласувајќи дека клучот за подобар резултат е промената на менталитетот на тимот.
Според статистичките пресметки, Вардар има само три проценти шанси за пласман во следната фаза, што е најнизок процент меѓу сите екипи кои настапуваат во ова квалификациско коло од Лигата на шампионите.
Дополнителен предизвик за македонскиот првак е фактот што КуПС е лидер во финското првенство и сезонава игра одлично на домашен терен. И обложувалниците ја даваат улогата на фаворит на финскиот шампион.
Вардар нема простор за калкулации – за да се надева на европски пресврт ќе мора да постигне најмалку два гола и да одигра натпревар на значително повисоко ниво од првиот дуел.
МОЖЕБИ ЌЕ ВЕ ИНТЕРЕСИРА:
