Државниот завод за ревизија даде неповолно мислење за финансиските извештаи и работењето на ЈП „Комунална хигиена – Скопје“ за 2024 година, утврдувајќи сериозни финансиски, организациски и технички слабости.
Според ревизорите, околу 60 проценти од специјалните комунални возила не се во функција, а просечната старост на возниот парк изнесува 15 години.
Тие констатирале и неправилности во евиденцијата на имотот и опремата, како и побарувања од околу 127 милиони денари со неизвесна наплата. Во извештајот се наведува дека претпријатието работи со загуба, има намалена ликвидност, а обврските достигнуваат речиси 737 милиони денари.
Дополнително, во текот на 2024 година преку приватна агенција биле ангажирани 354 лица, за што биле исплатени околу 185,7 милиони денари.
МОЖЕБИ ЌЕ ВЕ ИНТЕРЕСИРА:
