Детското игралиште на улицата „Ѓорѓи Сугаре“ во Кисела Вода повторно е безбедно и подготвено за користење, откако беше санирано по неодамнешниот вандалски чин.
Од Општина Кисела Вода информираат дека реквизитите биле намерно оштетени со полевање со моторно масло, но екипите веднаш интервенирале и ги отстраниле последиците.
Градоначалничката Бети Стаменковска Трајковска го осуди вандализмот и апелираше граѓаните заеднички да ги чуваат јавните добра.
Општината најави засилен инспекциски надзор на јавните површини за да се спречат слични инциденти во иднина. Граѓаните се повикани веднаш да пријавуваат секое деструктивно однесување до надлежните институции.
МОЖЕБИ ЌЕ ВЕ ИНТЕРЕСИРА:
