Американскиот претседател Доналд Трамп соопшти дека се повлекува од предлогот за воведување царина од 20 проценти на товарот што минува низ Ормускиот Теснец. Наместо тоа, како што наведе, земјите од Персискиот Залив ќе преземат значителни трговски и инвестициски обврски кон Соединетите Американски Држави.
Трамп изјави дека Ормускиот Теснец останува отворен за глобалниот поморски сообраќај, со исклучок на бродовите поврзани со Иран, и ѝ се заблагодари на американската војска за обезбедувањето на една од најважните светски поморски рути.
„Ормускиот Теснец е отворен за сите бродови, освен за оние поврзани со Иран. Ќе има целосна блокада само за бродови што доаѓаат од ирански пристаништа или превезуваат товар поврзан со Иран“, напиша Трамп.
Тој додаде дека по, како што ги оцени, многу продуктивните разговори со лидерите од Блискиот Исток, одлучил планираната царина да биде заменета со трговски и инвестициски договори што земјите од Персискиот Залив ќе ги склучат со САД.
МОЖЕБИ ЌЕ ВЕ ИНТЕРЕСИРА:
