Три момчиња, на возраст од 18 и 15 години, попладнево биле однесени од надојдените води на реката Треска кај Скопје, поради зголемен испуст од браната „Матка“ за потребите на производство на електрична енергија, информира Центарот за управување со кризи (ЦУК).
Според информациите, едното момче веднаш било извлечено од реката, додека другите две биле пронајдени и спасени низводно по течението на Треска.
Од ЦУК соопштија дека момчињата немаат видливи повреди и се во добра здравствена состојба.
Случајот бил пријавен преку бројот 112, а во спасувачката акција учествувале припадници на Територијалната противпожарна единица, полициски службеници, екипа на Итната медицинска помош и жители од Општина Сарај.
МОЖЕБИ ЌЕ ВЕ ИНТЕРЕСИРА:
