Тадеј Погачар повторно ја освои Франција. Словенечкиот велосипедски ас ја заврши 113. издание на Тур де Франс со својата петта шампионска титула и се израмни со легендите на овој спорт на вечната листа на победници.
Дваесет и седумгодишниот Погачар уште еднаш ја потврди својата доминација на најпрестижната велосипедска трка во светот, каде што до петтата победа стигна со вкупно пет освоени етапи оваа година.
Со новиот триумф, словенечкиот супершампион се израмни со најголемите имиња во историјата на Тур де Франс – Французите Жак Анкетил и Бернар Ино, Белгиецот Еди Меркс и Шпанецот Мигел Индураин, кои исто така имаат по пет титули.
Погачар зад себе остави и неколку историски моменти. Најзначајниот беше на легендарното искачување Алп д’Ез, каде што го надмина рекордот на Марко Пантани од 1995 година.
Во последната етапа, Погачар заврши на 30. место, откако немаше доволно сили за борба за висок пласман во самиот финиш. Сепак, заедно со неговиот пријател и голем ривал од пролетните класици, Матје ван дер Пул, успешно го одбрани стекнатото водство по последното искачување до Монмартр.
Со петтата победа, Погачар продолжува да ја пишува историјата и да се наметнува како еден од најголемите велосипедисти на сите времиња.
МОЖЕБИ ЌЕ ВЕ ИНТЕРЕСИРА:
