Полициски службеници од СВР Скопје привеле шест лица во различни делови на градот, откако кај нив биле пронајдени и одземени материи за кои постои сомнение дека се наркотични.
Како што информира Министерството за внатрешни работи, на 25 и 26 јули 2026 година во Скопје биле лишени од слобода Ј.Ч. (47), А.Б. (19), Ф.Р. (27), Н.К. (19), М.О. (26), сите од Скопје, како и В.М. (35) од скопското село Морани.
При извршените проверки кај нив биле пронајдени и одземени кафеава прашкаста материја, друга прашкаста материја и марихуана.
Истиот период, на 26 јули во 01:45 часот во селото Камењане, Тетовско, полициски службеници од Полициското одделение Камењане ги лишиле од слобода Б.И. (21) и О.М. (18), двајцата од Тетово.
Кај нив била пронајдена бела прашкаста материја и марихуана, по што биле задржани во полициска станица.
Од МВР информираат дека по целосното документирање на случаите, против сите лица ќе бидат поднесени соодветни пријави.
МОЖЕБИ ЌЕ ВЕ ИНТЕРЕСИРА:
