Од ноќеска на полноќ ќе се зголемат малопродажните цени на нафтените деривати во просек за 2,43 отсто, реши денеска Регулаторната комисија за енергетика и водни услуги.
Малопродажните цени на бензинот ЕУРОСУПЕР БС-95 и на Екстра лесното масло за домаќинство на (ЕЛ-1) се зголемуваат за 2,50 ден/лит, додека малопродажната цена на бензинот ЕУРОСУПЕР БС-98 се зголемува за 2,00 ден/лит. Малопродажната цена на ЕУРОДИЗЕЛ (Д-Е В) се зголемува за 3,00 денари за литар а цената на Мазутот М-1 НС, се зголемува за 0,668 ден/кг и сега ќе изнесува 51,920 ден/кг.
Со ова од ноќеска на полноќ Моторен бензин ЕУРОСУПЕР БС – 95 ќе чини 89,00 (денари/литар), Моторен бензин ЕУРОСУПЕР БС – 98 91,00 (денари/литар), Дизел гориво ЕУРОДИЗЕЛ БС (Д-Е В) 100,50 (денари/литар), Масло за горење Екстра лесно 1 (ЕЛ-1) 97,00 (денари/литар), Мазут М-1 НС 51,920 (денари/килограм).
