Репрезентацијата на Англија го освои третото место на Светското првенство, откако во спектакуларен натпревар во Мајами ја совлада Франција со 6:4.
Дуелот влезе во историјата како најефикасен натпревар за третото место на мундијалите, со вкупно 10 постигнати голови, со што беше урнат рекордот што опстојуваше речиси седум децении.
Херој на Англија беше Букајо Сака, кој постигна хет-трик, а во листата на стрелци се запишаа и Деклан Рајс, Езри Конса и Џуд Белингам.
За Франција два гола постигна Килијан Мбапе, кој со тоа стана најдобар стрелец во историјата на Светските првенства. Прецизни беа и Бредли Баркола и Усман Дембеле.
Досегашниот рекорд датираше од Светското првенство во 1958 година, кога Франција ја победи Западна Германија со 6:3 во натпревар за третото место, во кој беа постигнати девет голови. Со конечните 6:4, Англија и Франција поставија нов историски рекорд со 10 погодоци во борбата за бронзениот медал.
По овој спектакл, вниманието на фудбалската јавност се насочува кон големото финале на Светското првенство, во кое за шампионската титула ќе се соочат Аргентина и Шпанија.
МОЖЕБИ ЌЕ ВЕ ИНТЕРЕСИРА:
