Микробиологот Никола Пановски оцени дека состојбата во Гостивар претставува епидемија на гастроентеритис и изрази незадоволство од реакцијата на надлежните епидемиолошки служби.
Во објава на социјалните мрежи, Пановски посочи дека, според негова проценка, околу 1.500 граѓани веќе се евидентирани со исти симптоми, додека уште најмалку 5.000 лица не побарале лекарска помош.
„Во Гостивар има епидемија на гастроентеритис. Регистрирани се околу 1.500 случаи со исти симптоми, а најмалку уште 5.000 граѓани не се јавиле на лекар. Во еден град заболеле околу 30 проценти од населението од иста болест, а нема услови за прогласување епидемија. Епа, браво“, напиша Пановски.
Тој упати апел до епидемиолозите да постапат согласно своите надлежности, нагласувајќи дека станува збор за здравствен, а не политички проблем.
„Епидемиолози, каде сте? Ова не е политика, туку ваша професионална должност“, порача Пановски.
Во меѓувреме, институциите продолжуваат со истрагата за причините за масовните стомачни тегоби во Гостивар. Сè уште се очекуваат резултатите од лабораториските анализи, кои треба да утврдат дали случаите се поврзани со водата за пиење или со друг извор.
МОЖЕБИ ЌЕ ВЕ ИНТЕРЕСИРА:
