Компанијата-мајка на Фејсбук, Мета, најави дека ќе биде „принудена да размисли“ за отстранување на новинарската содржина од нејзината платформа доколку Конгресот на САД усвои закон со кој се бара од технолошките компании да им плаќаат на медиумите за нивните прилози.
Доколку се донесе Законот за конкуренција и заштита на новинарството, тој ќе им овозможи на новинарските компании колективно да преговараат со социјалните платформи за условите под кои се појавуваат новинарски материјали на нивните веб-страници.
„Мета“ најави дека попрво ќе ги повлече вестите од својата платформа, „отколку да се подложи на преговори договорени од владата, кои неправедно ја занемаруваат важноста што ја претставуваме за новинарските изданија“.
„Мета“, која е со седиште во Менло Парк, Калифорнија, заземаше слични позиции и во минатото. Минатата година, накратко ги блокираше весниците од својата платформа во Австралија, откако земјата усвои закон со кој се бара технолошките компании да им плаќаат на издавачите за користењето на нивните весници. Подоцна склучи договори со австралиските медиуми.
МОЖЕБИ ЌЕ ВЕ ИНТЕРЕСИРА:
