Навивачите на македонската фудбалска репрезентација, кои сакаат од трибините на стадионот „Ренцо Барбера“ на 24 март во Палермо да го бодрат националниот тим на мундијалскиот бараж против Италија, од понеделник можат да аплицираат електронски за влезници.
Барањата за билети, како што соопшти денеска Фудбалската федерација на Македонија (ФФМ), ќе можат да се поднесуваат до 15 март на електронската адреса: bileti@ffm.com.mk.
Македонските фудбалери на дуелот против актуелниот европски првак ќе имаат поддршка од 1.300 навивачи на трибините на стадионот во Палермо, а цената на влезницата изнесува 12 евра.
