Репрезентацијата на Англија се соочи со сериозен проблем во пресрет на својот прв натпревар на Светското првенство, откако од нивниот камп била украдена поголема количина спортска опрема.
Според информации објавени во американските медиуми, меѓу исчезнатите предмети се копачки на фудбалерите, тренинг-опрема, реквизити на стручниот штаб, топки, како и официјални дресови и друга опрема наменета за натпреварите.
Во англискиот табор веднаш била започната внатрешна истрага, а во случајот се вклучила и локалната полиција, која работи на пронаоѓање на украдените предмети и обезбедување замена за да не бидат нарушени подготовките.
Според последните информации од Канзас Сити, полицијата привела две лица поврзани со случајот, а истрагата за нивната можна улога продолжува.
Инцидентот се случи непосредно пред почетокот на настапот на Англија на Светското првенство, што претставува непријатен почеток за една од репрезентациите кои важат за фаворити.
Англија својот прв натпревар го игра на 17 јуни против Хрватска во Тексас, потоа на 24 јуни против Панама во Торонто, а на 27 јуни ќе се соочи со Гана во Филаделфија.
МОЖЕБИ ЌЕ ВЕ ИНТЕРЕСИРА:
