Пожарот што избувна на планината Јабланица е локализиран, информираат од Центарот за управување со кризи (ЦУК). Во гаснењето на огнот утрово бил ангажиран и армиски хеликоптер, кој значително помогнал во справувањето со пожарот.
Според информациите од ЦУК, хеликоптерот на Армијата извршил 16 прелети и исфрлил 16 ведра вода врз зафатеното подрачје, при што интервенцијата траела околу три часа.
Во гаснењето на пожарот учествувале и екипи од Територијалната противпожарна единица од Струга, како и 12 вработени од подружницата „Јабланица“ на ЈП „Национални шуми“.
Благодарение на координираната интервенција на теренските екипи и поддршката од воздух, пожарот е ставен под контрола, а службите продолжуваат со следење на состојбата за да се спречи повторно активирање на огнените жаришта.
МОЖЕБИ ЌЕ ВЕ ИНТЕРЕСИРА:
