САД во Европа го испратиле авионот познат како „Летечки Пентагон“, дизајниран да издржи нуклеарен удар.
Авионот, познат како „Doomsday“ е дел од флотата авиони со кои патува американскиот претседател Џо Бајден за време на неговата посета на Брисел, пишува „The Independent“.
Е4-Б, модифицираниот Боинг 747, е забележан како лета над Ла Манш додека се зголемуваат тензиите поради стравувањата дека Владимир Путин би можел да употреби нуклеарно, хемиско или биолошко оружје. Воздухопловните сили на САД располагаат со четири авиони Е4-Б, од кои едниот се вика „Nightwatch“ и е наменет да служи како командно-контролен центар во случај на нуклеарен напад. Тој може да го издржи електромагнетнот удар од нуклеарна експлозија. Летечкиот Пентагон ќе служи како воздухопловна база за американскиот секретар за одбрана и за високиот воен персонал за воени операции.
Се проценува дека авионот вредел 200 милиони долари, а може да носи 112 лица со членовите на екипажот, има 18 кревети и шест бањи, сала за состаноци, конференциска сала, работни области и офицерски простории. Во горниот дел е т.н. „радарска купола“, со десетици сателитски антени и антени што можат да испраќаат команди до секој американски брод, подморница или било кој друг нивни авион во светот.
Американските власти обично не ги откриваат тајниte за „Nightwatch“, но познато е дека тој има топлинска и нуклеарна заштита и може да лета со денови и да биде дополнуван со гориво во воздух. „Doomsday“ e подготвен да полета во секој момент, а во средaта полетал од Вашингтон, ги преминал Атлантикот и Ла Манш, пред да се упати кон базата на РАФ Милденхол во Сафолк. (Велика Британија).
