Деветнаесетгодишниот Саит Саитов од Скопје, по кого Министерството за внатрешни работи на 12 јануари распиша меѓународна потерница, денеска е екстрадиран од Србија во Македонија.
Од МВР информираа дека на Саитов му е определена мерка притвор и дека е спроведен во затворот „Скопје“, каде ќе биде задржан во рамки на понатамошната постапка.
Тој е осомничен за кривични дела против безбедноста на луѓето и имотот во сообраќајот, како и за неукажување помош на лице повредено во сообраќајна незгода, по трагичниот настан што се случи на 9 јануари 2026 година во скопската населба Капиштец.
Според истрагата, Саитов управувал автомобил „Фолксваген Пасат“ со кој прегазил жена, по што избегал од местото на несреќата и ја напуштил државата.
Во февруари беше приведен во Белград врз основа на потерницата распишана од македонските власти. По неговото приведување следуваше постапка за екстрадиција меѓу министерствата за правда на Македонија и Србија, која заврши со негово денешно предавање на македонските органи.
МОЖЕБИ ЌЕ ВЕ ИНТЕРЕСИРА:
