Угостителите да ги почитуваат новите протоколи за да се заштити јавното здравје, а со почитувањето на овие мерки, ќе се избегне носењето на порестриктивни или евентуално целосно затворање на објектите порача министерот за економија Крешник Бектеши.
Новите мерките предвидуваат угостителските објекти да примаат само вакцинирани лица кои што ќе бидат евидентирани од редарите кои ќе ги задолжат угостителите.
-Секој граѓанин кој што би сакал да посетува угостителски објекти треба да биде вакциниран, пошто државниот пазарен инспекторат ќе ги интензивира контролите, а дополнително угостителските објекти ќе имаат обврска да имаат редарски служби за да ги проверат, значи граѓаните нема да бидат казнети, ќе бидат казнети угостителските објекти ако не вршат контроли согласно протоколите, вели Бектеши.
Угостителите од друга страна сметаат дека новите владини мерки се небулозни, бидејќи редарските служби не се овластени да ги легитимираат гостите, односно е незаконски. Тие се жалат дека во екот на сезоната на свадбените прослави, поради новите мерки тие веќе почнале да се откажуваат.
-Веќе втор ден имаме откажување на резервации, преместување на свадбени прослави, нели откажување од угостителскиот објект, по кажувањето на младите тие се во барање на вили, викендици, дворови каде што би можеле да ја префрлат својата свадбена забава, вели Марија Синадиновска Арсовска од Иницијативен одбор на ресторани за организирани настани
Дел од граѓаните кои што ги анкетиравме го одобруваат владиниот потег, други пак велат дека не треба да се приморува народот да се вакцинира, но сепак во вакви услови, велат вакцината е неизбежна.
Од 16 август угостителските објекти ќе продолжат да работат само со терасите, а доколку капацитетот на објектите изнесува повеќе повеќе од 30 лица, тогаш задолжително е ангажирање на редари, кои што веќе на триесетиот гостин ќе му побараат сертификат за примена вакцина.