Градоначалничката на Општина Кисела Вода, Бети Стаменкоска-Трајкоска, оствари средба со фудбалерите и претставниците на ФК „Кул“, честитајќи им за одличните резултати во изминатата натпреварувачка сезона.
Повод за средбата беше двојниот успех на клубот – освојувањето на шампионската титула во младинска конкуренција и обезбедениот пласман на сениорскиот тим во Третата фудбалска лига.
Од Општина Кисела Вода информираа дека генерацијата 2010 на ФК „Кул“ го освои првото место во Втората младинска лига, што претставува потврда за квалитетната и посветена работа со младите фудбалери.
Покрај успехот на помладите категории, клубот ја заокружи сезоната и со шампионска титула во сениорска конкуренција, со што обезбеди настап во Третата лига во следната сезона.
Градоначалничката Стаменкоска-Трајкоска им честиташе на играчите и тренерите, нагласувајќи дека Општина Кисела Вода ќе продолжи да ги поддржува младите спортски таленти и развојот на спортот.
Таа истакна дека ФК „Кул“ е пример за успешна работа со младите, додавајќи дека постигнатите резултати се поттик за нови успеси и уште поголеми спортски достигнувања во иднина.
МОЖЕБИ ЌЕ ВЕ ИНТЕРЕСИРА:
