Годинава беше забрането субвенционирањето на летовите поради ковид пандемијата. Исплатени се само дел од парите за летовите кон крајот на 2020 година, но голем дел од нив стојат зашто не се реализираа летовите по овој договор меѓу државата и „Визер“, изјави министерот за транспорт и врски, Благој Бочварски. Тој најави нов повик за следната година.
Веќе работиме и на подготовка на новиот повик за субвенционирање на летови во текот на првиот и вториот квартал во 2022 година, бидејќи овој проект завршува пролетта 2022 година. Посакуваме по подигнувањето на овие рестриктивни мерки од ковид пандемијата да продолжи во иднина. Во овој момент имаме средства на нашата сметка и очекуваме дека доколку продолжат летовите, доколку продолжи субвенционирањето дека дел од нив ќе ги употребиме, но не можеме да знаеме колку од нив ќе бидат употребени заради неизвесноста. Надвор од доменот на работата и на Министерството и на Владата е брзо да се кренат овие мерки и да се намалат рестрикциите – рече Бочварски по пристигнувањето на првиот авион од Санкт Петербург во Скопје.
