Бред Пит ја продаде куќата во која живееше со Анџелина Џоли

Американскиот глумец Бред Пит го продаде својот имот во населбата Лос Фелиз во Лос Анџелес, каде што живееше со поранешната сопруга Анџелина Џоли и нивните деца. За куќата, што првично ја платил 1,7 милиони долари, тој постигнал цена од 39 милиони долари, пренесува „Ти-ем-зи“ (TMZ).
Имотот е првично проценет на 45 милиони долари во јануари. Не е познато што предизвикало пад на цената. Имотот кој се простира на речиси 4.000 квадратни метри има сала за бал, домашно кино, тениско и скејт-игралиште, базен, гаража, помошна куќа и езеро. Куќата ја купил во 1994 година од Касандра Петерсон и со текот на времето ја проширил градината купувајќи повеќе од околното земјиште го исполнил просторот со разни полиња за активности. Интересно е тоа што кога го купувал имотот на познатата хорор-икона „Елвира“, глумицата тврдела дека нејзиниот дом „бил опседнат“.
Бред Пит (59) живеел тука со семејството до нивното разделување во 2016 година, па сега, наводно, сака да се пресели заради својата нова девојка – дизајнерката за накит Инес де Рамон.
Новата двојка е заедно од лани во ноември. А, според „Дејли мејл“ и извор близок до ѕвездата, Бред ја запознал Инес „со повеќето“ од шесте деца што ги има со Анџелина – Медокс, Пакс, Захара, Шајло, Нокс и Вивиен.