Околу 200.000 домаќинства останаа без електрична енергија во Романија по обилните снежни врнежи и дожд што ја зафатија земјата.
Невремето предизвика сериозни проблеми и во сообраќајот – бројни патишта беа блокирани, а десетици возови доцнеа, изјави министерот за енергетика Богдан Иван, пренесува Ројтерс.
Јавниот превоз беше значително отежнат во главниот град Букурешт, кој беше покриен со околу 40 сантиметри снег. Паднати дрвја го прекинаа патниот и железничкиот сообраќај, а училиштата беа затворени во неколку градови.
Од Националната агенција за реагирање во вонредни ситуации информираа дека десет амбулантни возила биле заглавени во снегот во шест општини.
Според министерот Иван, од вкупно 200.000 погодени домаќинства, снабдувањето со електрична енергија е обновено кај околу 86.000. Проблеми биле регистрирани во 266 градови.
Тој посочи дека просечната потрошувачка на електрична енергија во Романија изнесува 7,4 гигавати, а вишокот произведен од ветерните и хидроелектраните бил извезен. Во споредба со претходната година, производството е зголемено за 11 проценти, а потрошувачката за 6 проценти.
МОЖЕБИ ЌЕ ВЕ ИНТЕРЕСИРА:
