Времето денеска ќе биде променливо облачно со сончеви периоди, информира Управа за хидрометеоролошки работи. Кон крајот на денот и во текот на ноќта ќе има услови за повремен локален дожд.
Во претпладневните часови ќе биде тивко, додека попладне ќе дува слаб до умерен ветер од северозападен правец. Утринската температура ќе се движи од минус три до три степени, а дневната од осум до 17 степени Целзиусови.
Во Скопје ќе преовладува сончево време со умерена облачност и слаб до умерен ветер од северен правец. Температурата ќе се движи од минус еден степен наутро до 14 степени во текот на денот.
За утре се прогнозира сончево време со мала до умерена облачност и слаб, а долж Повардарието умерен ветер од северен правец. Максималната температура ќе биде во интервал од осум до 16 степени.
Од УХМР најавуваат дека под влијание на поле на висок воздушен притисок следува период на стабилно и суво време. До петок ќе дува умерен, повремено засилен ветер од северозападен правец, поизразен вдолж Повардарието. Од петок ветерот ќе го смени правецот во југоисточен, а за време на викендот се очекува зголемување на облачноста.
МОЖЕБИ ЌЕ ВЕ ИНТЕРЕСИРА:
