Фудбалерите на Наполи славеа на „Олимпико“ против Рома со 1:0, во дербито што беше наречено „Дерби на сонцето“.
Актуелниот шампион до победата дојде благодарение на голот на Давид Нерес во 36-та минута. Бразилецот започна феноменална контра на Наполитанците, а по додавањето со Хојлунд излезе сам пред Свилар и погоди за водство од 0:1.
Рома се закани преку Лоренцо Пелегрини во 77-та минута, но неговиот удар заврши над голот. Шанса во 80-та минута доби и Елиф Елмас кој влезе на местото на Хојлунд и беше одличен до крајот од средбата. Во 90-та минута, Вања Милинковиќ-Савиќ спречи удар на Томасо Балданци, зачувувајќи ги трите бода за Наполи.
Со оваа победа, Наполи го престигна Рома и се израмни со Милан на табелата, двата тима со по 28 бода. Рома останува со 27 бода, исто колку и третопласираниот Интер. Во следното коло, Рома ќе биде домаќин на Каљари, додека Наполи ќе игра уште едно дерби, овојпат против Јувентус на домашен терен.
МОЖЕБИ ЌЕ ВЕ ИНТЕРЕСИРА:
