Овен
Послушајте го внатрешниот глас кога ви кажува дека сте пренагли во одлуките. Некогаш просто треба да застанете во место и да размислите. Ве очекува подобрување на односите со една личност од блиското минато. Внимавајте како се однесувате, а ѕвездите ви се наклонети за нова романса.
Бик
Подобрени односи со соработниците и интензивен развој на настани во ваша корист. Имајте доблест кога ќе погрешите, да се извините, тоа ќе ви донесе неочекуван успех. Не претерувајте со хедонизмот, посветете се на своето тело и нега на духот. Бидете присутни повеќе во животот на вашиот партнер и слушајте го. Прошетајте периодов на свеж воздух.
Близнаци
Ќе се чувствувате дека нешто „ви недостига“, но за да имате реален сомнеж за тоа, консултирајте се со вашите најблиски соработници во кои имате доверба. Не губете надеж кога нештата не ви одат од рака – има денови кога сите планети се едноставно бавни за вашиот темперамент. Пружете рака на оној кој ви пружа интерес. Пијте многу вода и не заборавајте на сонот.
Рак
Емоцијата што ве краси периодов нека ви биде водилка за да си направите добро опкружување за работните односи. Во комуникацијата со луѓето сте секогаш фер и коректни, но не заборавајте дека и вашиот глас и став е важен. Преточете си ги мислите во акција. Ви следи убаво доживување на приватен план.
Лав
Не грижете се за моменталниот хаос во кој сте приморани да следите наместо да дејствувате, има причина зошто е така. Посветете се на надворешните активности кои ве преокупираат со добра енергија и ви носат развој на личноста. Ќе имате контакт со личност која ќе ви го промени денот на поубаво. Посветете си малку време за себеси и бидете умерени во исхраната
Девица
Во комуникацијата со соработниците сте релаксирани, но внимавајте на непроверени одлуки или гласини – некогаш е подобро да се држите настрана. Распоредете си го буџетот, за да немате главоболки до крајот на месецов и посветете се на добробитот во домот, изненадете го партнерот. Повеќе свежа храна, помалку стрес.
Вага
Успехот кој сами си го креиравте ви дозволува да направите нови правила на местото на кое сте. Вашите барања можат да се остварат само доколку гласно ги побарате. Во емоциите имате повеќе занес одошто реалност, па внимавајте како се однесувате со потенцијалната личност. Имате инспирација за влегување во нова врска.
Скорпија
Некои ваши идеи ќе бидат признаени за брилијантни, па бидете стабилни и не се предавајте на суетата кога ќе го дознаете тоа. Соработката со вашите колеги треба да биде на професионално ниво. Една релација може да ве исцрпи. Во љубовта уживате во вниманието од спротивниот пол, а оние што се во долги врски конечно ќе се отворат за она што ги мачи. Стрелец
Стрелец
Колку и да сакате да доминирате, некогаш просто треба да отстапите од вашите убедувања. Во односите со партнерот имате сомнеж дека нешто не ви е доречено, направено, а и самите сте свесни дека и вие не сте на најдобро место. Отворете ги картите и ислушајте се самите себе.
Јарец
Внатрешниот глас ви зборува дека е потребна брза реакција во одредени односи со колегите. Не ги избрзувајте одлуките што веќе се решени. Потрудете се да ги изгладите и љубовните односи со едноставност, без да бидете како и секогаш, премногу рационални. Емоцијата нема да ви наштети.
Водолија
Вашиот природен хуман карактер е вистински потребен во друштвото и во работната атмосфера во која сте, но немојте да се трошите попусто за сите. Во одредени сфери треба да се покажете, а во други да се сталожите. Повеќе време посветете му на вашиот партнер и неговите потреби. Зачувајте си го мирот, оти вам тоа ви е повеќе од потребно.
Риби
Со молчење, не добивате ништо. Кажете ги работите што ви се важни и круцијални во работниот однос. Ќе добиете неочекувана поддршка. Во односот со партнерот, бидете малку погрижливи и престанете да бидете жртва, ќе ви се промени перспективата. Слободните риби ќе отворат ново поле на интерес со потенцијалната љубов. Постапувајте одлучно.
